На гарадской плошчы прайшла ўрачыстая лінейка, прысвечаная Дню піянерскай дружбы і 80-й гадавіне вызвалення Беларусі ад нямецка-фашысцкіх захопнікаў. На мерапрыемства былі запрошаны вучні пачатковых класаў устаноў адукацыі горада і раёна. Падчас яго адбыўся прыём 72 чалавек у рады акцябрацкай арганізацыі і 250 – у рады піянерскай арганізацыі. Акцябратамі і піянерамі сталі вучні раённай гімназіі, СШ № 1 і 2, Замшанскай БШ, Дарапеевіцкай СШ, Ланской СШ, Лукаўскай СШ, Ляхавецкай СШ.
Ганаровае права ўрачыста павязаць піянерскія гальштукі вучням атрымалі ветэраны піянерскага і камсамольскага руху, педагогі ўстаноў адукацыі Маларытчыны. На грудзях у дзяўчат і хлопцаў з’явіліся гальштукі – сімвал адданасці сваёй Радзіме і дзіцячай арганізацыі. Затым на плошчы дружна гучыць абяцанне любіць Радзіму, быць добрымі, справядлівымі, выдатна вучыцца, дапамагаць тым, хто ў гэтым мае патрэбу, заўсёды прытрымлівацца Статута і прынцыпаў піянерскай арганізацыі.
." />
