Старшыня раённага Савета дэпутатаў
Якубчык
Алег Пятровіч
тэлефон (+375 1651) 2-00-33
Узначальвае савет, кіруе яго працай, забяспечвае ўзаемадзеянне з Маларыцкім раённым выканаўчым камітэтам.
- прадстаўляе Савет ва ўзаемаадносінах з іншымі дзяржаўнымі органамі, іншымі арганізацыямі і грамадзянамі;
- узначальвае Прэзідыум Савета;
- ажыццяўляе кіраўніцтва апаратам Савета;
- склікае сесіі Савета, арганізуе работу па падрыхтоўцы сесій Савета, пасяджэнняў яго прэзідыума, вядзе гэтыя пасяджэнні, забяспечвае кантроль за выкананнем прынятых рашэнняў;
- накіроўвае на заключэнне адпаведных пастаянных камісій праекты рашэнняў Савета, дае даручэнні старшыням пастаянных камісій;
- уносіць на разгляд Савета прапановы аб адмене не адпаведных заканадаўству распараджэнняў старшыні раённага выканаўчага камітэта, рашэнняў раённага выканаўчага камітэта, сельскіх Саветаў дэпутатаў, распараджэнняў старшынь сельскіх Саветаў дэпутатаў;
- арганізуе работу Савета па разглядзе зваротаў грамадзян і юрыдычных асоб, вядзенні кнігі заўваг і прапаноў. Пры неабходнасці ўносіць прапановы па такіх зваротах на разгляд сесіі Савета;
- падпісвае рашэнні і пратаколы пасяджэнняў Савета, яго прэзідыума, выдае распараджэнні;
- дакладвае Савету аб стане спраў на падведамнай тэрыторыі і па іншых пытаннях, аднесеных да яго кампетэнцыі, прадстаўляе сесіі Савета, насельніцтву па меры неабходнасці, але не радзей аднаго разу ў год справаздачы аб сваёй дзейнасці, дзейнасці Прэзідыума Савета, а таксама інфармуе грамадзян аб стане спраў на падведамнай Савету тэрыторыі;
- ажыццяўляе іншыя паўнамоцтвы, прадугледжаныя заканадаўствам Рэспублікі Беларусь.
ІНТЭРНЭТ РЭСУРСЫ
